Wenn Dir weit i Näikurs cho

de geit das eso:

Mir hei es Bethli wo üs geit zur Hang

und das hofft: der Näikurs chöm wider stang.

Das Bethli het e Strategi,

us jedem Stoffräschtli mues öppis gnäit si.

Mach doch do no es Puloverli derzue

Räschte hesch de gäng no gnue.

Dä Stoff, momou dä längt

do wird de no e Jagge uswzwängt.

Wirsch gse, dä Stoff dä längt guet

s’ git de glich no e Masche für ufe Huet.

Mir si gärn i Näikurs cho,

e Abwächslig het üs guet do.

D’ Modeschou isch guet verbi gange,

mir hei no Bsuech übercho vo Wange.

Manggä si mir e keini, wär weis – i 2, 3 Jöhrli

öffnet üs vilicht es Karriere-Törli.

Drum mache mir witer so

der Durchbruch chunnt de villicht scho.

So anere Modeschou geits luschtig zue.

Passt ächt der Schmuck, der Huet und de no d’ Schue?

Simer fertig? Jöö, ig hätt jo do no öppis gha

das leg ig jetz nümme a.

Chasch dänke! Das wird zeigt

wenn de das Gnääite scho hesch ueche treit!

Jä was passt jetz do derzue? Leg do die Hauschötti a

und Schue chasch mini ha

und do das Täschli muesch ou no miter näh,

das passt zumene Manggä!

Villicht het öpper vo dusse Modeschou gha.

Mir hei drum vergässe, Store abezlah…